Fastlege- og legevaktbruk blant vaksne med alvorlege psykiske lidingar

Indikatoren viser tal og rate per 1000 for vaksne frå og med 18 år med alvorlege psykiske lidingar som hadde fastlege- eller legevaktkontaktar per år.

Fastlegekontakt:
Ein direkte kontakt mellom fastlege og pasient som inneber ei medisinsk vurdering eller ein samtale. Dette inkluderer konsultasjon (både fysisk, e-konsultasjonar og gruppebehandling), sjukebesøk, tverrfagleg samarbeid, enkel kontakt og anna.

Legevaktkontakt:
Ein direkte kontakt mellom helsepersonell på legevakt og pasient som inneber ei medisinsk vurdering eller ein samtale. Dette inkluderer ein av følgjande: sjukebesøk, konsultasjon (både fysisk og e-konsultasjon), tverrfagleg samarbeid, enkel kontakt og anna.

Allmennlegekontakt:
Den totale summen av fastlege- og legevaktkontaktar.

Inkluderingskriterium for vaksne pasientar (≥18 år) med alvorlege psykiske lidingar (frå Helsedirektoratet):

Personar frå og med18 år med minst éin episode i spesialisthelsetenesta innanfor eitt år i psykisk helsevern registrert med tilstandskode (ICD-10, hovud- og bitilstandar):

• F20–F25: Schizofreni og schizoaffektive lidingar
• F30–F33: Alvorlege stemningslidingar (omfattar mani, depresjon og bipolare lidingar)
• F60–F69: Personlegdomsforstyrringar

Metodiske avklaringar: Dersom ein person er registrert i fleire kommunar i løpet av perioden, blir vedkomande tilordna den siste kommunen med registrert helsekontakt. Dette sikrar at dobbeltregistrering blir unngått. For grupper med færre enn fem pasientar blir det ikkje publisert data på kommunenivå. Små avvik kan skje pga. anonymiseringsteknikk.

Indikatoren omfattar berre pasientar med dei mest alvorlege psykiske lidingane i legevakt- og fastlegeteneste, og inkluderer ikkje alle som får behandling i primærhelsetenesta.

Datakjelder:
Analysen er basert på pasientlister for vaksne med alvorlege psykiske lidingar frå Helsedirektoratet.
Norsk pasientregister (NPR) / Kommunalt pasientregister (KPR).